العيد

العيد ده فجر جديد

مجمعنا

يوم فرح عمرنا فيه

ما دمعنا

يارب دايما فيه

تكون معنا

وماتفرق عنا

كل إلى وجودهم

ف حياتنا

له معنى

***

عبدك وسيدك


أنا كنت عيدك

وطول عمري هفضل

أنا برضو سيدك

...ولابعدى لحظة...

تجري السعادة

تاني ف وريدك...

ان كنت خاينة ...

اوعي تظني

ولو لثانية

هبكي عليكي

او ابكي ليكي

بعد ما بعتي

قلب شاريكي

***

ولادك يامصر 

كتير من ولادك

يامصر ياوطني

مش متربيين

وفيهم غبي

ومخه تخين...

وفيهم منافق..

وفيهم مرافق

وفيه بيلحس

جزم مسؤولين

وفيهم باكيكي

وفيهم ناسيكي

وفيهم بيبكى

على مجرمين

و`فيهم بيجرم

وفيهم بيهدم

وفيهم بيظلم

وفيهم بيبروم

على مبرومين

وفيهم متاجر

بدقن وزبيبة

حياته مريبه

وعامل رزين

وعامل وقور

وهالة ونور

لكن طول حياته

كدب وزور

وفيهم بيعبد

أي واحد بيحكم

وفيهم بيقبل

يكون بس واحد

من المركوبين

لكن برضه فيكي

يا أمي الأبية

ولد مش ناسيكي

ومالي عينيا

ولد قلبه يرجف

لما يسمع نداكي

ولد من ولاد

اهلك الطيبين

***